Каспий университетінің колледжінде студент-активтерді марапаттау рәсімі өтті

Каспий университетінің колледжінде маңызды әрі дәстүрлі іс-шара — жыл сайынғы студент-активтерді марапаттау рәсімі өтті. Бұл күн — колледж өміріне белсене араласып, оның дамуына сүбелі үлес қосқан білім алушылар үшін ерекше әрі қуанышты сәт.

Биылғы жылы оқу, шығармашылық, спорттық және қоғамдық бағыттарда белсенділік танытқан, жауапкершілігі жоғары, бастамашыл студенттер құрмет грамоталарымен марапатталды. Әр марапат — бұл еңбек пен жанашырлықтың, колледжге деген шынайы ықыластың нәтижесі.

Марапаттар келесі жетістіктері үшін табысталды:

Жаңашыл әрі табанды еңбегі үшін;

Жоғары жауапкершілікпен тапсырмаларды орындағаны үшін;

Колледждің дамуына қосқан елеулі үлесі үшін.

Мұндай белсенді студенттер — нағыз көшбасшылар, замандастарына үлгі, колледжіміздің мақтанышы. Олардың белсенділігі мен бастамалары оқу орнымызда бірлік, шабыт пен даму атмосферасын қалыптастырады.

Сіздердің еңбектеріңіз шабыттандырады және баршаға жоғары өлшем қалыптастырады!

Әрбіріңізге колледжіміздің өміріне белсене араласқандарыңыз үшін алғысымызды білдіреміз!

Жетістіктермен шектелмей, жаңа белестерге ұмтылыңыздар! Каспий университетінің колледжімен бірге — алға, жаңа жеңістерге!

COLLEGE CASPIAN: Академиялық ұтқырлық – басқа қалада немесе шетелде білім алудың жаңа мүмкіндігі

COLLEGE CASPIAN студенттеріне академиялық ұтқырлық бағдарламасы аясында жаңа білім мен тәжірибе алу үшін өзге қалада немесе шет елде оқуға бірегей мүмкіндік береді.

Енді колледжіміздің білім алушылары келесі жетекші оқу орындарында академиялық кезеңін жалғастыра алады:

Л.Н. Гумилев атындағы Еуразия ұлттық университетінің Жоғары колледжі (Астана қ., Қазақстан) — еліміздегі беделді оқу орындарының бірі, заманауи білім беру бағдарламаларымен және жоғары кәсіби даярлығымен танымал.

«Nomad» колледжі (Бішкек қ., Қырғыз Республикасы) — инновациялық бағыттағы, креативті оқыту әдістерімен және халықаралық серіктестіктерімен танымал оқу орны.

Академиялық ұтқырлық – бұл тек жаңа ортада оқу ғана емес, сонымен қатар басқа елдің мәдениетімен танысу, жаңа таныстар табу, өз бетінше өмір сүру дағдыларын дамыту және болашақ маман ретінде бәсекеге қабілеттілікті арттырудың тамаша жолы.

Бағдарлама аясында студенттерге келесі мүмкіндіктер ұсынылады:

Таңдаған мамандығы бойынша басқа колледжде білім алу;

Жаңа оқыту тәсілдерін меңгеру және өзге педагогтерден тәжірибе алу;

Халықаралық жобалар мен бастамаларға қатысу;

Тілдік және мәдениетаралық коммуникация дағдыларын жетілдіру.

COLLEGE CASPIAN кәсіби өсуге және білім аясын кеңейтуге ұмтылатын белсенді әрі ынталы студенттерді әрдайым қолдайды. Академиялық ұтқырлық бағдарламасына қатысқысы келетін студенттер колледждің халықаралық ынтымақтастық бөліміне жүгініп, қатысу шарттары, мерзімдері және қажетті құжаттар туралы толық ақпарат ала алады.

COLLEGE CASPIAN-пен бірге жаңа мүмкіндіктерге жол аш! Білім ал, зертте, дамы!

COLLEGE CASPIAN студенттері Павлодар қаласында өткен Республикалық Хакатонда III орынға ие болды

1–3 маусым аралығында Павлодар қаласында еліміздің түрлі колледждері мен жоғары оқу орындарынан келген 27 үздік студенттік команда қатысқан Республикалық Хакатон өтті. Қатысушылар шектеулі уақыт ішінде өзекті IT-мәселелерді шешу, цифрлық шешімдер әзірлеу және инновациялық жобалар жасау бойынша бақтарын сынады.

COLLEGE CASPIAN студенттер командасы колледжіміздің намысын абыроймен қорғап, құрметті III орынды иеленгенін зор мақтанышпен хабарлаймыз! Бұл жетістік – студенттеріміздің ұйымшыл жұмысы, кәсіби шеберлігі мен шығармашылық көзқарасының нәтижесі.

Команданың жетекшісі ретінде колледждің IT бойынша директор орынбасары – Сұлтанов Нұрлан Мерленұлы танылды. Ол студенттердің дайындалуына үлкен үлес қосып, олардың табысты өнер көрсетуіне шабыт берді.

48 сағат бойы қатысушылар жоғары қарқында жұмыс істеп, берілген тақырып бойынша жаңашыл шешімдер ұсынды. COLLEGE CASPIAN командасы техникалық күрделілік, практикалық маңыздылық және ерекшелікті үйлестірген жобасын таныстырып, қазылар алқасының жоғары бағасына ие болды. Олар шешімнің архитектурасын және оны жүзеге асыру жолдарын жоғары бағалап, студенттеріміздің сенімді түрде өнер көрсетуін ерекше атап өтті.

Бұл қатысу студенттерге ұлттық деңгейде өзін көрсетуге мүмкіндік беріп қана қоймай, олардың кәсіби қалыптасуында маңызды қадам болды. Мұндай іс-шаралар жас мамандарға қазіргі заманғы IT саласында аса қажет сын тұрғысынан ойлау, командада жұмыс істеу және жобаларды қысқа мерзімде басқару сияқты дағдыларды дамытуға көмектеседі.

College Caspian-де өткен «ProПраво» олимпиадасы: құқықтық сауаттылық — саналы таңдаудың негізі

«Жұмысшы мамандықтар жылы» аясында College Caspian қабырғасында «ProПраво: Заңды біл – кәсіби жолды сенімді баста» атты «Құқық негіздері» пәні бойынша қалалық олимпиада өтті. Интеллектуалдық сайысқа Алматы қаласының жалпы білім беретін мектептерінің 9-сынып оқушылары қатысты. Іс-шара Қазақстан Республикасы Сыбайлас жемқорлыққа қарсы іс-қимыл агенттігінің Алматы қаласы бойынша Департаментінің қолдауымен ұйымдастырылды. Бұл жас ұрпақтың құқықтық мәдениеті мен сыбайлас жемқорлыққа қарсы санасын қалыптастырудың маңыздылығын айқын көрсетті.

Олимпиада екі кезеңнен тұрды:

Бірінші кезеңде қатысушылар адам құқықтары, әділеттілік және азаматтық жауапкершілік тақырыптарында эссе жазды. Оқушылар өз ой-пікірлерін ашық білдіріп, көзқарастарын дәлелдеп, сыни ойлау қабілеттерін көрсете білді.

Екінші кезеңде қатысушылар нақты кейс-ситуацияларды шешіп, құқықтық жағдайларды талдады, олардан шығу жолдарын заң нормаларына сүйене отырып ұсынды және теориялық білімді тәжірибеде қолдана алатындарын дәлелдеді.

Бұл олимпиада тек зияткерлік сайыс қана емес, сонымен қатар қатысушылар үшін пікір алмасу, өзара тәжірибе бөлісу және болашаққа шабыт алу алаңына айналды. Олимпиада барысында қалыптасқан атмосфера оқушылардың заңгер мамандығына деген қызығушылығын арттырып, саналы кәсіби таңдау жасауға ықпал етті.

Олимпиада нәтижесі бойынша жүлделі орындар төмендегідей бөлінді:

I орын — Ерланқызы Томирис

II орын — Шевцова Анна

III орын — Әбдіғапар Асылай

College Caspian барлық қатысушыларға, мұғалімдерге және серіктестерге белсенді атсалысқандары мен іс-шараны өткізуге қосқан үлестері үшін алғыс білдіреді. Осындай бастамалар жас ұрпақтың құқықтық мәдениетін дамытуға және азаматтық жауапкершілікті арттыруға септігін тигізетініне сенімдіміз.

JuniorSkills CCU-2025 мектеп оқушылары арасындағы кәсіби шеберлік байқауы

2025 жылғы 14 мамырда Каспий қоғамдық университеті білім беру мекемесінің колледжі базасында кәсіптік бағдар беру жұмысы аясында мектеп оқушылары арасында JuniorSkills CCU-2025 кәсіби шеберлік байқауы өтті. Байқаудың мақсаты – оқушыларға болашақ мамандығы мен оқу бағытын таңдауға қолдау көрсету, сондай-ақ шығармашылық пен техникалық мамандықтарға деген қызығушылықты дамыту. Биылғы байқау «Графикалық дизайн» құзыреттілігі бойынша өтті. Байқауға қаланың келесі мектептерінің оқушылары қатысты: – ҚББ КММ «№151 орта мектеп» = №176 мектеп-гимназиясы = №209 мектеп-гимназиясы Колледж оқытушылары байқауға арналған келесі өзекті тақырыптар бойынша практикалық тапсырмалар дайындады: «Мақтаныш пен қуат: Отан қорғаушылар күніне арналған постер» «Жад пен даңқ: Жеңіс күніне арналған журнал мұқабасы» Қатысушылар үшін заманауи жабдықтармен және қажетті бағдарламалық қамтамасыз етумен жабдықталған жұмыс алаңдары дайындалды. Бұл жағдайлар оқушылардың шығармашылық әлеуетін барынша көрсетуге мүмкіндік берді. Байқау жеңімпаздары: – 1-орын — Бағланұлы Тарлан (№209 мектеп-гимназиясы) – 2-орын — Мачанлин Рамазан Хусаинович (ҚББ КММ №151 орта мектеп) – 3-орын — Ештай Айлун Анарбайқызы (№176 мектеп-гимназиясы) JuniorSkills CCU-2025 байқауы колледждің кәсіптік бағдар беру саласындағы жұмысының тағы бір маңызды қадамына айналды. Бұл шара оқушылардың болашақ мамандығын саналы таңдауға және өз күшіне сенімді болуына ықпал етті.

Каспий колледжінің студенті – «Jas Gala 2025» қалалық байқауының жүлдегері Караваева Ксения, МГР 24-2 тобының студенті, «Jas Gala 2025» қалалық байқауында «Мобилография» құзыреттілігі бойынша III орынды иеленді!

«Jas Gala» – бұл жастардың шығармашылық әлеуетін қолдауға және дамытуға бағытталған жыл сайынғы қалалық байқау. Қатысушылар өнер мен дизайннан бастап цифрлық технологияларға дейінгі түрлі бағыттарда өз қабілеттерін көрсетеді. Байқау жас дарындарға өзін-өзі танытуға, тәжірибе алмасуға және жеке жобаларын ұсынуға мүмкіндік береді. «Мобилография» құзыреттілігі аясында қатысушылар мобильді құрылғылардың мүмкіндіктерін пайдалана отырып, креативті бейнероликтер мен фотосуреттер түсіру және оларды өңдеу дағдыларын көрсетті. Ксения техникалық дайындығының жоғары деңгейін, идеяның ерекшелігін және көркемдік көзқарасын танытып, үздік үштікке енді. Біз оның жетістігімен мақтанамыз және алда оны жаңа жеңістер, қызықты жобалар мен кәсіби даму күтетініне сенімдіміз!Студентка Каспийского колледжа — призёр городского конкурса «Jas Gala 2025»

Каспий университеті колледжінің кітапхана меңгерушісінің мақаласы республикалық «Ұлы Дала ұстазы» журналында жарияланды

Мақтанышпен хабарлаймыз: колледжіміздің кітапхана меңгерушісі Ошақбаева Нұргүл Қырықбайқызының мақаласы беделді республикалық «Ұлы Дала ұстазы» журналында жарық көрді.

Бұл басылымда жариялану — Нұргүл Қырықбайқызының кітапханашылық саласындағы кәсіби еңбегінің және Қазақстандағы білім беру ортасын дамытуға қосқан үлесінің мойындалуы болып табылады. Өз мақаласында ол білім беру саласының цифрлануы жағдайында кітапханаларды жаңғыртудың маңызды қырларын, студенттердің ақпараттық мәдениетін қалыптастырудағы кітапхананың рөлін және жастар арасында оқуға қызығушылықты арттырудың жаңа тәсілдерін кеңінен талқылады.

Бұл мақала — колледжіміз үшін елеулі оқиға әрі мамандарымыздың ғылыми-әдістемелік деңгейінің жоғары екенін тағы бір мәрте дәлелдейді.

Ошақбаева Нұргүл Қырықбайқызын осы жетістігімен шын жүректен құттықтаймыз және студенттеріміздің зияткерлік әлеуетін дамытуға, оқу үдерісінде кітап оқуды насихаттауға қосқан үлесі үшін алғыс білдіреміз!

Ұлан Шарипханұлы Павлодардағы халықаралық ғылыми-тәжірибелік конференцияда баяндама жасады!

25-26 сәуір күндері Павлодар қаласында Toraighyrov University базасында Қазақстанның әр өңірінен және шетелден келген зерттеушілерді, оқытушыларды, студенттерді және тәжірибелі мамандарды біріктірген Халықаралық ғылыми-тәжірибелік конференция өтті.

Мақтанышпен хабарлаймыз: Каспий университеті колледжінің студенті — Ұлан Шарипханұлы — осы ауқымды ғылыми шараға қатысып, келесі тақырыпта сәтті баяндама жасады:

«Қонақжайлық индустриясы — туризм экономикасының қозғаушы күші».

Өз сөзінде Ұлан Шарипханұлы қонақжайлық индустриясының Қазақстан туризм секторының өсуі мен экономиканың дамуына негізгі фактор ретіндегі маңызын жан-жақты ашып көрсетті. Баяндамада қонақүй бизнесі мен туризмдегі инновациялық тәсілдерді енгізу перспективалары, сондай-ақ еліміздің халықаралық аренада тартымды имиджін қалыптастырудағы қонақжайлық саласының үлесі кеңінен талқыланды.

Ұлан Шарипханұлын сәтті баяндамасымен және колледжімізді халықаралық деңгейде лайықты таныстырғаны үшін шын жүректен құттықтаймыз! Ғылыми жолда табыстар мен жаңа жетістіктер тілейміз!

Амир Ордабаевтың қонақтық дәрісі

Каспий университетінің колледжінде кәсіби синхронды аудармашы және халықаралық тәжірибесі бар табысты фрилансер Амир Ордабаевтың шабыттандыратын әрі танымдық қонақтық дәрісі өтті.

Кездесу барысында Амир студенттермен өз кәсіби жолымен бөлісіп, шетел тілдерін білудің қазіргі әлемде қандай мүмкіндіктер ашатынын айтып берді.

Бұл кездесу студенттеріміз үшін үлкен мотивация көзіне айналып, білім мен дағдыларды дамыту арқылы табысты халықаралық мансапқа жол ашуға болатынын нақты мысалдармен көрсетті.

Амир Ордабаевқа қызықты дәрісі, пайдалы кеңестері және жастарға өз тәжірибесімен бөлісуге деген ниеті үшін алғысымызды білдіреміз!

@marlenkapbar блогері және маркетологының қонақтық дәрісі: «Идеяны қалай монетизациялауға болады?»

Каспий университеті колледжінің қабырғасында Қазақстанның ең танымал маркетологтарының бірі, сәтті блогер Марлен Капбаровпен шабыттандыратын кездесу өтті.

«Идеяны қалай монетизациялауға болады?» тақырыбындағы дәріс өз стартаптарын бастауды, жеке бренд құруды және қаржылық тәуелсіздікке қол жеткізуді армандайтын студенттермен залды толтырды.

Марлен студенттермен тек теориямен ғана емес, сонымен қатар өз тәжірибесінен алынған нақты мысалдармен бөлісті. Ол қарапайым идеяның табысты жобаға айналып, тұрақты табыс көзіне қалай айналатынын түсіндірді.

Студенттер белсенді түрде сұрақтар қойып, өз ойларымен бөлісіп, жобаларын дамыту бойынша құнды кеңестер алды. Дәріс қызықты әрі интерактивті атмосферада өтті.

Марлен Капбаровқа өз тәжірибесімен бөліскені, студенттерімізге әрекет етуге және өз күшіне сенуге мотивация бергені үшін алғысымызды білдіреміз!