Құрметті студенттер!
Біздің колледждің психологиялық кабинеті арқылы педагог-психологтың кеңесін алып, күрделі проблемалар мен күрделі өмірлік жағдайларды шешуге психологиялық көмек пен қолдау ала аласыз.
Психолог кабинеті 603 кабинетте орналасқан
Тел. 8-747-368-10-08 Назерке Женисовна, эл.пошта: kaliaskarova.nazerke@mail.ru
Сіздердің мүмкіндіктеріңізге бірге жол табамыз!
НЕЛІКТЕН ПСИХОЛОГ ҚАЖЕТ, ОЛ КІМ ЖӘНЕ ОҒАН ҚАШАН ЖҮГІНУ КЕРЕК?
«Психологтарға «жүйкесі нашар (жүйке ауруларына ұшыраған)» адамдар барады, психолог пен психиатр бірдей – «деген аңыз бар». Бұл мүлдем дұрыс емес. Психиатр-бұл психикалық ауруларды емдеу саласындағы маман. Негізінен дәрілік емдеу әдістерін қолданады.
Психолог-ДЕНІ сау адамдарға өмірдің әртүрлі салаларында қиындықтар туындаған жағдайда кеңес беретін маман. Ол сізге дайын жауап бермейді, бірақ сізге қолдау қажет болған кезде көмектеседі, қолдау көрсетеді.
Психологпен жұмыс істеудің артықшылығы – ол арнайы білімге ие бола отырып, жағдайды тереңірек көреді, диагноз қояды және адамның қандай қиындықтары бар екенін анықтайды. Психолог жұмысының негізгі ережесі – құпиялылық. Психологтардың этикалық кодексі бар. Кәсіби маман құпиялылықты сөзсіз сақтайды, тікелей ұсыныстар мен кеңестерден аулақ болады, ол сауатты, ұқыпты, ашық, адал.
Психологқа жүгінуге болатын сұрақтар:
1. Оқудағы қиындықтар. Кейбір студенттер қалағандай жақсы оқымайды. Оған себеп көп болуы мүмкін. Мысалы, есте сақтау қабілетінің нашар болуы немесе дұрыс зейін бөлмеуі немесе қалаудың жетіспеушілігі, оқытушымен проблемалар және мұның бәрі неге қажет екенін түсінбеу болуы мүмкін. Кеңесте біз оның себебін және қандай жолмен түзетілетінін анықтауға тырысамыз, басқаша айтқанда, жақсы оқу үшін және қалай оқу қабілетін дамыту керектігін табуға тырысамыз.
2. Топтағы өзара қарым-қатынас. Басқалармен оңай байланыс жасайтын, кез келген, тіпті бейтаныс ортада оңай қарым-қатынас жасайтын адамдар бар. Ал танысу қиын, жақсы қарым-қатынас орнату, достар табу қиын және топта өзін оңай және еркін сезіну қиынға соғады. Психологпен кеңесуде әр түрлі жағдайларда адамдармен үйлесімді қарым-қатынас орнату үшін тәсілдер мен жеке ресурстарды табуға болады.
3. Ата-анамен өзара қарым-қатынас. Кейде біздің ең жақын адамдарымызбен — ата-аналарымызбен ортақ тіл мен жылы қарым-қатынас жоғалғандай болады. Жанжалдар, даулар, өзара түсіністіктің жоқтығы — отбасындағы мұндай жағдай әдетте балаларға да, ата-аналарға да ауыр тиеді. Кейбіреулері шешу жолдарын табады, ал басқалары үшін қиынға соғады. Психолог сіздерге ата-аналармен жақсы қарым-қатынас құруды және оларды түсінудің жолдарын және ата-аналар да сізді түсініп, қабылдауын қалай жасау керектігі туралы айтып береді.
4. Өмір жолын таңдау. Егер сізде әртүрлі таңдаулар болса және бір шешімге келе алмасаңыз онда психологқа жүгінуге болады . Ол сізге өз армандарыңызды, тілектеріңіз бен мақсаттарыңызды түсінуге, ресурстарыңызды, бейімділіктеріңізді және қабілеттеріңізді бағалауға және өмірдің қандай саласын (салаларында) іске асырғыңыз келетінін түсінуге (немесе түсінуге жақындауға) көмектеседі.
5. Өзін-өзі басқару және өзін-өзі дамыту. Біздің өміріміз соншалықты қызықты және сан қырлы, сондықтан да біз алдымызға үнемі көптеген міндеттер мен мақсаттар қоямыз. Олардың көбі өз бойында әр түрлі тұлғалық қасиеттерді, дағдылар мен іскерліктерді дамытуды талап етеді. Көшбасшылық дағдыларын немесе дау жүргізу дағдыларын, логикалық ойлауды немесе шығармашылық қабілетін дамытуға болады. Өз назарыңды, қиялыңды жақсарту. Өз өміріңді басқаруды үйренуге, мақсат қоюға және оларға тиімді қол жеткізуге болады. Психолог — қандай да бір қасиеттерді, дағдылар мен іскерліктерді дамыту технологиясын меңгерген және осы технологияны сіздермен қуана бөлісетін адам.